Mirri

Yanawaanhi ngaya yuruunda. Mirribala nganunda banagawaanhi. Mirridhu nganha gawaanhi, banaganhingabala ngaya. Dhuludhi galiyanhi ngaya.

Gulaldanhinga nhama mirridhu. Dhulu gamay ngaya, bumay ngaya dhulugu, mirri. Bumaynga ngaya dhaygali. Giirr banaganhi nhama mirri.

Giirr bulilbulil nhama dhulu. Giyal ngaya ginyi bundaangindaay ngaya. Baluwaa ngaya gaarriyaanhi dhuludhi, bulilbulili dhuludhi. Gundhigu yananhi ngaya.

Buruma

Yanawaanhi ngaya yuruunda. Burumabala nganunda banagawaanhi. Burumadhu nganha gawaanhi, banaganhingabala ngaya. Dhuludhi galiyanhi ngaya.

Gulaldanhinga nhama burumadhu. Dhulu gamay ngaya, bumay ngaya dhulugu, buruma. Bumaynga ngaya dhaygali. Giirr banaganhi nhama buruma.

Giirr bulilbulil nhama dhulu. Giyal ngaya ginyi bundaangindaay ngaya. Baluwaa ngaya gaarriyaanhi dhuludhi, bulilbulili dhuludhi. Gundhigu yananhi ngaya.