Narran

Giirr ngaama nguu, yinarr nguungu bulaarr bayamay. Ngadaamalinga banaganhinya. Bayamay ngaarrmanga, bulaarrngabala gungan gaawaanhi, ngadaamali. Ngiyarrmanhabala ganungawu, wungaylanhi, at Narran Lake.

Yilaa nguunga ngarray, ngaarringaarringa, bulaarrnga. "Bayamali nhama ngaya, ngaya birran.gaagu gayawili. Giirr ngaya dhaygali bumay. Giirr ngayanga gaagi. Ngaama ngayanga bulaarr ngay yinarr dhuwimali, ngarraagulaynga ngaya gaaguwiy, Ngiyarrmanga ngaya buurrnganda dhanduwiymali."

Gaba ngaamanga dhaygal gingindaay, ngaama ngaya gaaguwinyi, bulaarrnga, ngaarrma, guliirr ngay.

Ngaarrmanga gungan gagil, baadjinbiyaay. Waal ngaanduwaa gungan ngawugilanha, balugi ngiyarrma.